بمبئي هاءِ ڪورٽ سلمان خان کي فائرنگ ڪيس ۾ ملوث جوابدار جي موت واري معاملي تي وڏو رليف ملي ويو

بالي ووڊ جي سپر اسٽار سلمان خان کي بمبئي هاءِ ڪورٽ فائرنگ ڪيس ۾ ملوث جوابدار جي موت واري معاملي تي وڏو رليف ڏنو آهي. عدالت حڪم ڏنو ته فائرنگ ڪيس ۾ ملوث جوابدار انوج ٿاپن جي موت جي جاچ مان اداڪار سلمان خان جو نالو خارج ڪيو وڃي. پوليس انهن جوابدارن کي هٿيار فراهم ڪرڻ جي الزام ۾ انوج ٿاپن کي گرفتار ڪيو هو جن سلمان خان جي گهر ٻاهران فائرنگ ڪئي، جيڪو جوابدار پهرين مئي تي جيل ۾ فوت ٿي ويو. انوج ٿاپن جي ماءُ پنهنجي پٽ جي موت تي اداڪار سلمان خان جو نالو وٺي ڪيس داخل ڪرائي جاچ جو مطالبو ڪيو هو . عدالت چيو آهي ته سي آءِ ڊي کي اختيار آهي ته هو ڪنهن کي به ڪيس جي جاچ ۾ شامل ڪري، اهو اختيار ان وٽ ئي رهندو.