سنڌ جي مختلف علائقن ۾ ڌار ڌار روڊ حادثن ۽ واقعن جي نتيجي ۾ هڪ ڄڻو فوت ۽ ڏهه ڄڻا زخمي ٿي پيا آهن.
ڀريا روڊ ۾ ٽريڪٽر ٽرالي تان ڪري زخمي ٿيل فتح پور واسي اڌڙوٽ محمد قاسم انصاري زخمن جي سٽ نه سهند اسپتال ۾ دم ڌڻي حوالي ڪري ڇڏيو آهي.
سوئي گيس ويجهو مهراڻ هاءِ وي تي مسافر ڪوچ ڪلٽي ٿيڻ سبب ڏهه مسافر زخمي ٿي پيا، زخمين کي اسپتال منتقل ڪيو ويو.
حادثي ۾ ممتاز ولد محمد بچل جعفري، اجمل ملڪ، ڪرن ملڪ، رامي سميت 10 مسافر زخمي ٿي پيا.
اطلاع تي پوليس حادثي واري هنڌ پهچي زخمي کي ٺري ميرواهه اسپتال منتقل ڪيو، جتي کين طبي امداد ڏني وئي.
پوليس جو چوڻ آهي ته مسافر ڪوچ ڪراچي کان ڪشمور وڃي رهي هئي ته سوئي گيس واري علائقي ۾ حادثي جو شڪار ٿي.
