موسمياتي تبديلين واري وفاقي وزير شيري رحمان، اعليٰ عدالت کان رضوانا تشدد ڪيس تي پاڻمرادو نوٽيس وٺڻ جو مطالبو ڪيو آهي
جاري ڪيل بيان ۾ شيري رحمان چيو ته رضوانا تشدد ڪييس طاقت ۽ اثر رسوخ جي ناجائز استعمال جو بدترين مثال آهي، جن کي معاشري ۾ قانون ۽ انصاف يقيني بڻائڻو هو، اهي پنهنجي اختيار ۽ طاقت کي معصوم ماڻهن خلاف استعمال ڪري رهيا آهن
هن چيو ته افسوس آهي ته اعليٰ عدليا ان معاملي جو اڃا تائين نوٽيس ناهي ورتو، سول جج ۽ سندس خاندان ظلم ڪرڻ بعد انصاف جي راهه ۾ رنڊڪ بڻجي رهيا آهن.
شيري رحمان چيو ته اعليٰ عدالت رضوانا تشدد ڪيس جو پاڻمرادو نوٽيس وٺي ۽ معصوم ٻارڙي سان انصاف ڪري، تشدد جو نشانو بڻيل نينگري جي امڙ جا بيان سنجيده نوعيت جا آهن، انهن کي نظرانداز نه ٿو ڪري سگهجي، رضوانا کي انصاف ڏنو وڃي
