- Advertisement -
نوشهروفيروز جي عدالت غلام مرتضيٰ جتوئي خلاف داخل ٻن ڪيسن جي ٻڌڻي ملتوي ڪري ڇڏي.
اين پي پي سربراهه غلام مرتضيٰ جتوئي دادو ۽ مورو ڪيسن ۾ دهشتگردي ٽوڙ عدالت ۾ پيش ٿيو.
عدالت دادو ڪيس جي ٻڌڻي31 جولاءِ ۽ مورو ڪيس جي ٻڌڻي 16 آگسٽ تائين ملتوي ڪري ڇڏي.
جج موڪل تي هجڻ سبب ٻنهي ڪيسن جي ٻڌڻي ملتوي ڪئي وئي.
اين پي پي سربراهه مرتضيٰ جتوئي ميڊيا سان ڳالهائيندي چيو ته پوليس ڪوڙا ڪيس داخل ڪرڻ ۾ رڌل آهي ته ڏوهن تي ضابطو ڪيئن ايندو.
سندس چوڻ هو ته ڏيڍ سال ۾ 6 ايس ايس پيز بدلي ٿيا آهن، شايد هدف پورو نٿا ڪري سگهن.
سندس چوڻ هو ته ملڪ ۾ ڪرپشن جي انتها ٿي وئي آهي اڳ پنج سيڪڙو ڪرپشن هوندي هئي هاڻي ته ڪرپشن جا پئسا سڌا بئنڪن مان ڪڍيا وڃن ٿا………- Advertisement -
