ماهوٽا ٿاڻي جي حد آگاڻي لاڙي وٽان اڻڄاتل پيرسن عورت جو گولي لڳل لاش هٿ آيو.
علائقي واسين جي اطلاع تي پوليس واقعي واري هنڌ پهچي لاش کڻائي چانڊڪا اسپتال منتقل ڪيو.
پوليس موجب، آگاڻي لاڙي وٽان پيرسن عورت جو گولي لڳل لاش هٿ آيو، لاش اسپتال منتقل ڪيو آهي پر عورت جي سڃاڻپ نه ٿي سگهي آهي. پوليس جي شروعاتي جاچ موجب، عورت کي ٻئي ھنڌ گولي هڻي قتل ڪري لاش آگاڻي لاڙي وٽ ڦٽو ڪيو ويو آهي، واقعي جي سمورن رخن کان جاچ ڪئي پئي وڃي.
