هالاڻي شهر مان سرڪاري ملازم ٽن ڏينهن کان پراسرار طور گم,وارث سخت پريشان

هالاڻي شهر مان سرڪاري ملازم ٽن ڏينهن کان پراسرار طور گم آهي، وارث سخت پريشانيءَ ۾ مبتلا ٿي ويا آهن. ھالاڻي شھر مان پراسرار نموني گم ٿي ويل سرڪاري ملازم خالد حسين ڪمبوهه جو ڏس پتو نه پئجي سگهيو. سندس ڀاءُ شاھد علي ڪمبوهه، سؤٽ استاد اشتياق علي ڪمبوهه، ڀاڻيجي مھتاب علي ڪمبوهه ميڊيا کي ٻڌايو ته سندن ڪنھن سان ڪابه دشمني نه آھي. هنن چيو ته سندن همراهه صبح جو تيار ٿي ڊيوٽي لاءِ روانو ٿي ويو شام تائين واپس نه ٿيو ته جاچ باوجود به ڪو ڏس پتو نه پئجي سگهيو آهي سندس موبائل نمبر به بند اچي رهيو آهي. هنن وس وارن کان سندن همراهه جي ڳولا ۾ مدد جي اپيل ڪئي آهي.