پي ٽي آءِ چيئرمين سائفر ڪيس ۾ فرد جرم جي ڪارروائي اسلام آباد هائيڪورٽ ۾ چئلينج ڪري ڇڏي آهي.
پي ٽي آءِ چيئرمين سائفر ليڪ ڪيس ۾ وڪيل سلمان صفدر ۽ خالد يوسف ذريعي هڪ درخواست داخل ڪرائي.
درخواست ۾ فرم جرم جي ڪارروائي ڪالعدم قرار ڏيڻ جي اپيل ڪئي وئي آهي.
درخواست ۾ چيو ويو آهي ته قانون موجب ڪيس جون ڪاپيون ورهائڻ جي ستن ڏينهن بعد چارج فريم ڪري سگهجي ٿو، پر ٽرائل ڪورٽ ستن ڏينهن واري قانوني گهرج کي نظر ۾ نه رکيو.
داخل ڪرايل درخواست ۾ چيو ويو ته تڪڙ ۾ ٽرائل اڳتي وڌائڻ سان بنيادي آئيني حق متاثر ٿيندا، مرڪزي ثبوت سائفر ٽيلي گراهم جي عدم موجودگيءَ ۾ ٽرائل اڳتي نه ٿو وڌائي سگهجي.
درخواست ۾ چيو ويو ته تڪڙ ۾ فرد جرم لاڳو ڪيو ويو، 23 آڪٽوبر تي فرد جرم واري ڪارروائي کي ڪالعدم قرار ڏنو وڃي
