ڪراچي ۾ قتل ٿي ويل نواب ولي محمد واسيءَ جي قاتلن جي گرفتاري لاءِ مظاهرو

ڪراچي ۾ قتل ٿي ويل نواب ولي محمد واسيءَ نوجوان جي قاتلن جي گرفتاري لاءِ وارثن پاران احتجاجي مظاهرو ڪيو ويو آهي.

ڳوٺ محمد بخش اتيرو جي رهواسي مقتول محمد عارف جي وارثن نواب ولي محمد پريس ڪلب اڳيان مظاهرو ڪيو.

وارثن جو چوڻ هو ته اسٽيل ٽائون پوليس عارف جا قاتل 2 ڏينهن گذرڻ باوجود گرفتار ناهي ڪري سگهي.

هنن وڏي وزير، آءِ جي سنڌ ۽ صوبائي گهرو وزير کان مطالبو ڪيو ته نوجوان جا قاتل گرفتار ڪري ساڻن انصاف ڪيو وڃي.