ڪملا هيرس پلڙو ڀاري ڪندڙ امريڪي رياستن ۾ عرب آمريڪي ووٽرن جي حمايت حاصل ڪرڻ لاءِ ڪوششون تيز ڪري ڇڏيون

ڊيموڪريٽڪ صدارتي اميدوار ڪملا هيرس پلڙو ڀاري ڪندڙ امريڪي رياستن ۾ عرب آمريڪي ووٽرن جي حمايت حاصل ڪرڻ لاءِ ڪوششون تيز ڪري ڇڏيون آهن. پرڏيهي ميڊيا جي رپورٽ موجب ڪملا هيرس کي يقين آهي ته رياست مشي گن ۾ کٽڻ لاءِ عرب-آمريڪي ووٽرن جي حمايت حاصل ڪرڻ ضروري آهي، ڇاڪاڻ ته عرب-آمريڪن جو سڀ کان وڏو تعداد انهي رياست ۾ رهي ٿو. ان حوالي سان ڊئير بورن جي ميئر عبدالله حمود جو چوڻ آهي ته جوبائڊن جي ڊوڙ مان ٻاهر نڪرڻ کانپوءِ دروازا کليل آهن ، پر اهو ڪملا هيرس تي آهي ته هو ڪميونٽي سان ان اتحاد کي برقرار رکي جيڪو بائڊن لاءِ قائم هو. حمود جو چوڻ آهي ته ڪملا هيرس کي غزه ۾ فوري جنگ بندي جي سختي سان وڪالت ڪرڻ گهرجي ۽ اسرائيل کي غير مشروط حمايت ۽ هٿيارن جي فراهمي کي روڪڻ گهرجي. عرب برادري جو چوڻ آهي ته پينسلوانيا جي يهودي گورنر جوش شيپيرو کي نائب صدارتي اميدوار مقرر نه ڪرڻ گهرجي ڇو ته هو فلسطيني مظاهرين جو سخت مخالف رهيو آهي…