ايران جي سپريم ليڊر آيت الله خامنه اِي، اسماعيل هنيا جو پلاند وٺڻ لاءِ اسرائيل تي سڌي ريت حملي جو حڪم ڏئي ڇڏيو

آمريڪي اخبار دعويٰ ڪئي آهي ته ايران جي سپريم ليڊر آيت الله خامنه اي حماس اڳواڻ اسماعيل هنيه جي شهادت جو پلاند بدلو وٺڻ لاءِ اسرائيل تي سڌيءَ ريت  حملي جو حڪم ڏئي ڇڏيو آهي. آمريڪي اخبار دعويٰ ڪئي آهي ته آيت الله خامنه اي اهو حڪم ايران جي سپريم نيشنل سيڪيورٽي ڪائونسل جي هنگامي اجلاس ۾ ڏنو، جيڪو اسماعيل هنيه جي شهادت کان فوري پوءِ ٿيو. ان کان اڳ ايران جي سپريم ليڊر آيت الله خامنه اي جو چوڻ هو ته اسرائيل سخت سزا لاءِ راهه هموار ڪري ڇڏي آهي. واضع رهي ته فلسطيني مزاحمتي تحريڪ حماس جو سربراهه اسماعيل هنيه گذريل رات ايران ۾ اسرائيلي حملي ۾ شهيد ٿي ويو. رپورٽن مطابق تهران ۾ اسماعيل هنيه جي رهائشگاهه تي گائيڊ ميزائل سان حملو ڪيو ويو.