- Advertisement -
حڪومت طرفان آئيني ترميم منظور ڪرائڻ لاءِ جلد بازي نه ڪرڻ جو فيصلو ڪيو ويو آهي.
حڪومتي ذريعن جو چوڻ آهي ته 27هين آئيني ترميم سينيٽ جي اڄوڪي ۽ سڀاڻي کان شروع ٿيندڙ قومي اسيمبلي جي اجلاس ۾ پيش نه ڪئي ويندي.
ذريعن موجب حڪومت آئيني ترميم جو مسودو صرف پيپلز پارٽي سان شيئر ڪيو آهي، سندن راءِ اچڻ کانپوءِ ان کي فائنل ڪيو ويندو.
حڪومتي ذريعن جو چوڻ آهي ته پيپلز پارٽي ڪا تجويز ڏني ته ان کي قطعي مسودي ۾ شامل ڪيو ويندو.
ذريعن موجب قطعي مسودو پارليامينٽ ۾ پيش ڪرڻ کان اڳ حڪومت پنهنجي ٻين اتحادي پارٽين کي به اعتماد ۾ وٺندي.
حڪومتي ذريعن موجب حڪومت اتحادين کانپوءِ تحريڪ انصاف سان به رابطو ڪرڻ جو فيصلو ڪيو آهي، پي ٽي آءِ کان سهڪار گهريو ويندو جيئن اتفاق راءِ سان ترميم منظور ٿئي.
ذريعن جو چوڻ آهي ته تحريڪ انصاف کانپوءِ حڪومت جي يو آءِ سان به ملاقاتون ٿينديون.
حڪومتي ذريعن موجب مخالف ڌر جي راضي نه ٿيڻ تي حڪومت نمبر گيم ڏسي ترميمون متعارف ڪرائيندي.
ذريعن جو چوڻ آهي ته ترميم جي منظوري تي اتفاق راءِ لاءِ سينيٽ ۽ قومي اسيمبلي اجلاسن دوران رابطا ۽ ملاقاتون جاري رهنديون.
- Advertisement -
