صدر آصف علي زرداري چيو آهي ته خوراڪ تائين برابري، محفوظ ۽ سَستي پهچ هر انسان جو حق آهي.
صدر آصف علي زرداري خوراڪ جي عالمي ڏينهن تي پيغام جاري ڪندي چيو آهي ته خوراڪ جو تحفظ رڳو حڪومت نه پر سڀني جي گڏيل ذميواري آهي.
صدر آصف علي زرداري جو چوڻ هو ته پاڪستان ۾ زراعت معيشيت جو بنياد ۽ ڪروڙين ماڻهن جي روزي جو ذريعو آهي.
سندس چوڻ هو ته موسمياتي تبديلي، ٻوڏ ۽ مهانگائي خوراڪ جي کوٽ ۾ واڌ ڪري رهيا آهن.
صدر آصف علي زرداري جو چوڻ هو ته ڪيترائي خاندان اڄ به صحتمند خوراڪ جو خرچ برداشت نٿا ڪري سگهن، ٻارن ۾ غذائي کوٽ هڪ ڳڻتي جوڳي چئلينج آهي.
سندس چوڻ هو ته حڪومت موسمياتي لحاظ سان فائديمند پوکيءَ کي هٿي ڏئي رهي آهي.
صدر آصف علي زرداري جو چوڻ هو ته بهتر آبي ۽ زميني انتظام ۽ خوراڪ جي فراهمي کي فائديمند بڻايو پيو وڃي.
سندس چوڻ هو ته ٻوڏ متاثرن جي لاءِ قدم کنيا پيا وڃن.
صدر آصف علي زرداري جو چوڻ هو ته خوراڪ جي ضايع ٿيڻ جي روڪٿام حڪومت جي ترجيحن ۾ شامل آهي.
سندس چوڻ هو ته زرعي پيداوار ۾ واڌ ۽ ڪمزور طبقن جو تحفظ حڪومت جي ترجيح ۾ شامل آهي.
صدر آصف علي زرداري جو چوڻ هو ته سندن عزم آهي ته ڪوبه ٻار بُکيو نه سمهي، هر گهر ۾ خوراڪ پهچي.
