- Advertisement -
آمريڪي صدر ڊونلڊ ٽرمپ چيو آهي ته سعودي عرب سندن وڏو نان نيٽو اتحادي ملڪ آهي.
سعودي آمريڪين انويسٽمينٽ فورم جي تقريب کي خطاب ڪندي آمريڪي صدر ڊونلڊ ٽرمپ چيو ته وٽن بهترين فوجي نظام آهي جيڪو سعودي عرب کي مهيا ڪندا.
هن چيو ته آمريڪا ۽ سعودي عرب وچ ۾ مختلف شعبن ۾ 270ارب ڊالرن جا معاهدا ٿيندا.
آمريڪي صدر جو چوڻ هو ته ايران سان جلد معاهدو ٿي سگهي ٿو، سعودي ولي عهد محمد بن سلمان هڪ بهادر اڳواڻ آهي.
ڊونلڊ ٽرمپ وڌيڪ چيو ته سعودي عرب-آمريڪا وچ ۾ لاڳاپن لاءِ پرعزم آهن، ولي عهد محمد بن سلمان ۽ مون اتحاد کي اڳ کان وڌيڪ مضبوط ڪيو آهي.
سندس وڌيڪ چوڻ هو ته ڪورنا دوران آمريڪا سڄي دنيا کي وينيٽيليٽر مهيا ڪيا، آمريڪا هاڻي دنيا جي بهترين ۽ تمام وڏي معيشت بڻجي چڪو آهي.
صدر ڊونلڊ ٽرمپ چيو ته بائيڊن جي دور ۾ آمريڪي معيشت جو تمام گهڻو نقصان ٿيو، سعودي عرب-آمريڪا وچ ۾ تاريخي ڀائيواري جو بنياد رکي ڇڏيو آهي، دفاع، توانائي، اي آءِ ۾ سيڙپڪاري جي معاهدن تي صحيحون ڪندا..- Advertisement -
