سنڌو درياهه مان ڪينال ڪڍڻ واري معاملي بابت سندن پارٽي جي سينٽرل ايگزيڪٽو ڪميٽي جو اجلاس سکر ۾ گهرايو ويو آهي: راشد محمود سومرو

جميعت علماءَ اسلام جي جنرل سيڪريٽري راشد محمود سومري چيو آهي ته سنڌو درياهه مان ڪينال ڪڍڻ واري معاملي بابت سندن پارٽي جي سينٽرل ايگزيڪٽو ڪميٽي جو اجلاس سکر ۾ گهرايو ويو آهي، جمعيت علماءَ اسلام سنڌ جي هر ٻرندڙ مسئلي تي اڳ کان وڌيڪ متحرڪ آهي. دوڙ ڀرسان ڳوٺ محمد سليمان بروهي ۾ جميعت علماءَ اسلام جي جنرل سيڪريٽري راشد محمود سومري، مرحوم عبدالڪريم بروهي جي وارثن عبيدالله، حفيظ الرحمان ۽ سيف الله بروهي سان تعزيت ڪئي. ان موقعي تي ميڊيا سان ڳالهائيندي راشد محمود سومري چيو ته جمعيت علماءَ اسلام سنڌ جي هر ٻرندڙ مسئلي تي اڳ کان وڌيڪ متحرڪ آهي، سنڌ حڪومت مڪمل طور ناڪام ٿي چڪي آهي. سندس چوڻ هو ته سنڌ حڪومت جا وزير رڳو ڪرپشن ڪرڻ ۾ پورا آهن، صوبي جو امن تباهه ٿي ويو آهي. جميعت علماءَ اسلام جي جنرل سيڪريٽري راشد محمود سومري چيو ته پ پ چيئرمين جي ذات سان ڪي به اختلاف ناهن، سياسي اختلاف ضرور آهن، بلاول ڀٽو زرداري ڀائرن جيان آهي، سندس وزيراعظم ٿيڻ تي ڪوبه اعتراض ناهي، سنڌو درياهه مان ڪينال ڪڍڻ واري معاملي بابت سندن پارٽي جي سينٽرل ايگزيڪٽو ڪميٽي جو اجلاس سکر ۾ گهرايو ويو آهي