- Advertisement -
سک اڳواڻن جي قتل سبب ڊگهي سفارتي ڇڪتاڻ کانپوءِ ڀارت ۽ ڪينيڊا وچ ۾ لاڳاپا بحال ٿي ويا آهن.
ڀارت ۽ ڪينيڊا جي وچ ۾ ڇنڊڇاڻ کانپوءِ سفارتي لاڳاپا ٻيهر گرم ٿيڻ شروع ٿي ويا آهن، ٻنهي ملڪ نين ڳالهين ۽ واپاري واڌاري تي اتفاق ڪري ورتو آهي.
ٻنهي ملڪن 2030 تائين ٻه طرفو واپار 50 بلين آمريڪي ڊالر تائين وڌائڻ جو حدف مقرر ڪيو آهي.
جوهانسبرگ ۾ ٿيندڙ جي 20 اجلاس دوران ڪينيڊا جي وزيراعظم ۽ ڀارتي وزيراعظم جي ملاقات ۾ لاڳاپا ٻيهر بهتر ڪرڻ تي اتفاق ٿيو آهي.
ڪئينڊين وزير مهيندر سڌو ڀارت جي دوري دوران ڳالهائيندي چيوته ٻنهي ملڪن ۾ ٽيڪنالاجي، اهم معدنيات، توانائي ۽ زرعي شعبن ۾ نوان موقعا پيدا ٿي رهيا آهن.
ٻنهي ملڪن وچ ۾ واپاري معاهدي بابت ڳالهين جي ٻيهر شروعات کي وڏو اڳڀرائي قرار ڏنو پيو وڃي.
ٻن سالن دوران سفارتي ڇڪتاڻ سبب ڪيترائي عمل رڪجي ويا هئا، پر هاڻي ٻنهي ملڪ لاڳاپن کي نئين سطح تي آڻڻ لاءِ اڳتي وڌي رهيا آهن.- Advertisement -
