ايس يو پي جي صدر سيد زين شاھ چيو آهي ته فاطمه ڦرڙو جي واقعي تي سڄي سنڌ ڏکاري آهي، واقعي ۾ ملوث سمورن جوابدارن کي گرفتار ڪري سخت سزا ڏني وڃي.
زين شاهه خانواهڻ پھچي نينگري فاطمه ڦرڙو جي وارثن سان تعزيت ڪئي.
ايس يو پي صدر زين شاهه سنڌ ٽي نيوز سان ڳالهائيندي چيو ته فاطمه ڦرڙو جي واقعي تي سڄي سنڌ ڏکاري آهي.
هن چيو ته هتي ھميشه ائين ٿيندو آيو آهي ته جيڪو ڏاڍو سو گابو، پيسي وارو انصاف خريد ڪندو آهي، الله نياڻي سان انصاف ڪندو.
سندس چوڻ هو ته فاطمه جا وارث غريب آھن انتظاميه کي گھرجي ته متاثرن کي تحفظ فراهم ڪري.
ايس يو پي صدر زين شاهه گھر ڪئي ته فاطمه ڦرڙو واقعي ۾ ملوث سڀني جوابدارن کي گرفتار ڪري سخت سزا ڏني وڃي.
