ميرپورخاص: مبينا طور قتل ٿيل ناري نيها جي قبرڪشائي ڊي جي هيلٿ پاران ليٽر جاري،

ميرپورخاص ۾ مبينا طور قتل ٿيل ناري نيها جي قبرڪشائي لاءِ جوڙيل ميڊيڪل بورڊ پوسٽ مارٽم جي سلسلي ۾ 6 نومبر تي قبرڪشائي ڪري پوسٽ مارٽم لاءِ جزا گڏ ڪرڻ جو ليٽر جاري ڪري ڇڏيو. محمودآباد ٿاڻي جي حد ريلوي ڪالوني ۾ 13 آڪٽوبر تي مبينا طور قتل ٿيل ناري نيها چوهاڻ جي قبرڪشائي جي سلسلي ۾ عدالتي حڪم تي ڊي جي هيلٿ سروسز پاران جوڙيل اسپيشل ميڊيڪل بورڊ ناري جي قبرڪشائي ڪري پوسٽ مارٽم جي سلسلي ۾ جزا گڏ ڪرڻ لاءِ 06 نومبر تي قبرڪشائي ڪرڻ جو ليٽر جاري ڪري ڇڏيو. ڪجھه ڏينھن اڳ ڊي جي هيلٿ سروسز عدالتي حڪم تي ناري نيها جي قبرڪشائي لاءِ 5 رڪني اسپيشل بورڊ جوڙيو ھو جنهن مطابق ميڊيڪل بورڊ جو چيئرمين ميڊيڪل سپريڊنٽ لمس اسپتال جامشورو کي مقرر ڪيو ويو ھو. اسپيشل بورڊ ۾ اسسٽنٽ پروفيسر فارينزڪ لمس جامشورو، اسسٽنٽ پروفيسر پيٿالوجي لمس جامشورو، پوليس سرجن لمس حيدرآباد ۽ وومين ميڊيڪل ليگو آفيسر ميرپورخاص کي ميمبر طور شامل ڪيو ويو ھو. ڊي جي هيلٿ پاران اسپيشل ميڊيڪل بورڊ کي اهيو پڻ حڪم ڪيو هو ته ناري نيها جي قبرڪشائي بعد ڪيل پوسٽ مارٽم رپورٽ ڄاڻايل ڪورٽ ۽ هيلٿ کاتي ڏانھن اماڻي وڃي. سندس چوڻ هو ته 13 آڪتوبر تي 17 سالن جي ناري نيها گهر ۾ پراسرار نموني فوت ٿي وئي هئي جنهن جي جاچ بعد پوليس ڪاروائي ڪندي سندس امڙ عاشي ۽ والد مبين سميت 4 ڄڻن کي گرفتار ڪيو هو. جاچ دوران ناري جي امڙ ۽ والد پاران پنهنجي ڌيءُ کي گهٽا ڏئي قتل ڪرڻ جو اعتراف ڪيو ويو هو…..