- Advertisement -
حيدرآباد ۾ جيئي سنڌ محاذ جي ميزباني هيٺ عدالتن کان مٿانهين قتل ۽ ڪارڪنن جي گرفتارين خلاف ڪانفرنس ڪوٺائي وئي.
جيئي سنڌ محاذ جي چيئرمين رياض چانڊئي جي صدارت ۾ ٿيل قومي ويهڪ ۾ قومپرست پارٽين جي اڳواڻن، سياسي سماجي ۽ انساني حقن جي تنطيمن جي اڳواڻن سان گڏ اديب ۽ دانشور به شريڪ ٿيا.
ويهڪ ۾ ڊاڪٽر نياز ڪالاڻي، روشن ٻرڙي، جامي چانڊئي، الطاف خاصخيلي، پشپا ڪماري، محمد علي خشڪ، انور بڙدي، احمد نواز انقلابي، سليم جروار ، نواز شاهه ڀاڏائي، پنهل جمالي، پنهل سارئي، ڊاڪٽر خوشحال ڪالاڻي، الاهي بخش چاچڙ، ممتاز آريسر ٻين شرڪت ڪئي.
ڪانفرنس کي خطاب ڪندي اڳواڻن چيو ته حڪمران 26 ھين ترميم لاڳو ڪري سنڌ سان جبر ڪري چڪا آھن، ھڪ دفعو ٻيھر 27 ھين آئيني ترميم لاڳو ڪري سنڌ جا پيداواري وسيلا قومي اختيار اين ايف سي ايوارڊ تي راتاھو ھڻڻ توڙي سنڌ جي وحدت تي وار ڪري نوان صوبا ٺاھڻ چاھين ٿا.
اڳواڻن چيو ته سنڌين، بلوچن ۽ پختونن جي تاريخي وطنن سان ھٿ چراند سندن مالي ۽ قدرتي وسيلن سان وڌيڪ ڏاڍ برداشت نـ ڪيو ويندو.
هنن چيو ته سنڌ جي پرامن ماڻهن کي گرفتار ڪرڻ بعد ڏوهاري ڄاڻائي ڪيس داخل ڪيا پيا وڃن، اھو سلسلو بند ڪيو وڃي.
سندن چوڻ هو ته ھاف يا فل فرائي ذريعي ماڻھو مارڻ يا معذور ڪرڻ جو سلسلو پڻ بند ڪيو وڃي ۽ نوجوان مھمير تنيو جي قتل جي عدالتي جاچ ڪرائي وڃي.
اڳواڻن مطالبو ڪيو ته سنڌ ۾ انساني حقن جون ڀڃڪڙيون فوري طور بند ڪيون وڃن…
- Advertisement -
