- Advertisement -
چيئرمين جوائنٽ چيفس آف اسٽاف ڪميٽي جنرل ساحر شمشاد مرزا عراق جي وزيراعظم ۽ بچاءَ واري وزير سان ملاقات ڪئي آهي، جنهن دوران دفاعي سهڪار سميت مختلف معاملن بابت خيالن جي ڏي وٺ ڪئي وئي آهي.
آءِ ايس پي آر موجب، چيئرمين جوائنٽ چيفس آف اسٽاف ڪميٽي جنرل ساحر شمشاد مرزا سرڪاري دوري تي عراق ۾ موجود آهي، جتي سندس اهم شخصيتن سان ملاقاتون ٿي رهيون آهن.
آءِ ايس پي آر جو چوڻ آهي ته چيئرمين جوائنٽ چيفس آف اسٽاف ڪميٽي جنرل ساحر شمشاد مرزا جي عراقي وزيراعظم محمد شيعه السوداني، بچاءَ واري وزير، گهرو وزير ۽ چيف آف ڊفينس فورسز سان ملاقاتون به ٿيون آهن.
آءِ ايس پي آر موجب، ملاقاتن دوران سڪيورٽي، دفاعي سهڪار ۽ موجوده علاقائي صورتحال سميت دلچسپي جي اهم شعبن بابت خيالن جي ڏي وٺ ڪئي وئي، ڌرين ٻنهي ملڪن وچ ۾ فوجي سهڪار وڌائڻ ۽ دفاعي لاڳاپن کي مضبوط بڻائڻ جي عزم جو ورجاءُ ڪيو.
آءِ ايس پي آر جو چوڻ آهي ته جنرل ساحر شمشاد مرزا جي عراقي هٿياربند فوج جي هيڊ ڪوارٽرز پهچڻ تي فوجي دستي گارڊ آف آنر پيش ڪيو.
آءِ ايس پي آر موجب، عراقي قيادت دهشتگردي خلاف جنگ ۾ پاڪستان جي هٿياربند فوج جي قربانين جو اعتراف ڪيو ۽ عراقي سول ۽ فوجي قيادت جي پاڪستان جي هٿياربند فوج جي پيشوراڻي صلاحيتن کي ساراهيو- Advertisement -
