- Advertisement -
ڪراچي ايئرپورٽ ويجهو چيني شهرين تي آپگهاتي حملي جو هڪ ٻيو ڪيس داخل ڪيو ويو آهي.
سي ٽي ڊي پاران شروعاتي جاچ رپورٽ عدالت ۾ جمع ڪرائي وئي آهي.
گرفتار جوابدار جاويد جي انڪشافن بعد هڪ ٻيو ڪيس داخل ڪيو ويو.
گرفتار ڪيل جوابدار انڪشاف ڪيو ته پابندي مڙهيل تنظيم جي ڪمانڊر حملو ڪرڻ لاءِ ويگو ڪار خريد ڪري ڏني.
هن ٻڌايو ته حملي جو ماسٽر مائينڊ بشير بلوچ هو، جڏهن ته گاڏي عامر رحيم جي شو روم تان خريد ڪري خودڪش بمبار شاهه فهد کي فراهم ڪئي وئي.
شوروم تي گاڏي خريد ڪرڻ لاءِ 10 هزار رپيا بيانو ڏنو ويو، جڏهن ته ٻي رقم حب چوڪي جي نجي بئنڪ کان منتقل ڪرڻ لاءِ چيو ويو.
رپورٽ موجب پابندي مڙهيل تنظيم جي ڪمانڊر ۽ ماسٽر مائينڊ بشير بلوچ ۽ عبدالرحمان فنڊنگ ۽ پلاننگ ڪئي، جڏهن ته دهشتگردي جو منصوبو مارجي ويل دهشتگرد شاهه فهد ۽ گرفتار جوابدار جاويد جوڙيو هو.
ڪيس ۾ پابندي مڙهيل تنظيم بي ايل اي جي ڪمانڊر ۽ ماسٽر مائينڊ بشير احمد بلوچ عرف بشير زيب ۽ عبدالرحمان عرف رحمان گل کي به نامزد ڪيو ويو آهي.- Advertisement -
