- Advertisement -
چين جي صدر شي جن پنگ 31 جولاءِ تي سي پيڪ جي ڏهين سالگرهه جي موقعي تي مبارڪباد جو پيغام موڪليو آهي.
پنهنجي پيغام ۾ چيني صدر چيو ته 2013 ۾ سي پيڪ جي افتتاح کان وٺي ٻئي ملڪ گڏيل تعمير ۽ حصيداري جي اصولن موجب سي پيڪ منصوبن کي اڳتي وڌائي رهيا آهن، انهن منصوبن جي ڪري پاڪستان جي معاشي ۽ سماجي ترقيءَ کي نئين قوت ملي آهي.
هن چيو ته پاڪ-چائنا اقتصادي راهداري چين ۽ پاڪستان جي وچ ۾ چئن موسمن جي دوستي جو زنده ثبوت بڻجي چڪي آهي.
صدر شي جن پنگ وڌيڪ چيو ته عالمي صورتحال ۾ ڪيتري به تبديلي اچي، چين هميشه پاڪستان سان گڏ بيٺل رهندو، هو چين-پاڪستان آل ويدر اسٽريٽجڪ پارٽنرشپ کي نئين بلندين تي وٺي ويندا.
واضع رهي ته ياد رهي ته گذريل ڏينهن پاڪستان ۽ چين وچ ۾ ايم ايل ون ريل منصوبي سميت 6 مفاهمتي يادداشتن تي صحيحون ٿيون، تقريب ۾ وزيراعظم شهباز شريف، پرڏيهي وزير بلاول ڀٽو زرداري ۽ ٻين وفاقي وزيرن شرڪت ڪئي.- Advertisement -
