- Advertisement -
کھڙا ڀرسان اٺين ڪلاس جي شاگرد سان 7 جوابدارن مبينا ڏاڍائي جي ڪوشش ڪئي آهي، پوليس واقعي جي اين سي داخل ڪري جاچ شروع ڪري ڇڏي.
ڳوٺ سڪ واھڻ ۾ اٺين ڪلاس جي شاگرد غلام نبيءَ اڄڻ سان ستن جوابدارن مبينا ڏاڍائي جي ڪوشش ڪئي، نينگر جي رڙين تي جوابدار کيس تشدد جو نشانو بڻائي فرار ٿي ويا.
متاثر نينگر جي والد جي فرياد تي کهڙا ٿاڻي تي اين سي داخل ڪئي وئي.
علي حيدر اڄڻ جو چوڻ آهي ته سندس پٽ غلام نبي پاڙي مان پنھنجي ڪلاس فيلو کان اسڪول ڪاپي وٺڻ ويو، واپسي تي جوابدارن اقرار، اظھار، عرفان، اسدالله، عمران اڄڻ ۽ ٻيا کيس زبردستيءَ کنڀي ڪمند جي فصل ۾ کڻي ويا ۽ ڏاڍائي جي ڪوشش ڪئي.
سندس چوڻ هو ته نينگر جي رڙين تي پاڙي وارا پھتا ته جوابدارن کيس مارڪٽ ڪري فرار ٿي ويا.
هن چيو ته اين سي کھڙا ٿاڻي تي داخل ڪرائي آھي ڊي آءِ جي سکر ۽ ايس ايس پي خيرپور واقعي جو نوٽيس وٺي شفاف انڪوائري ڪرائي پٽ سان ڏاڍائي جي ڪوشش ڪندڙن خلاف قانوني ڪارروائي ڪري انصاف ڪيو وڃي.
ھوڏانھن کھڙا پوليس جو چوڻ آهي ته اين سي داخل ڪئي آهي وڌيڪ جاچ جاري آهي…….- Advertisement -
