- Advertisement -
سنڌ جي راڄڌاني ڪراچي ۾ رمضان المبارڪ دوران ڦرلٽ جي وارداتن ۾ اضافو ٿي ويو، شهرين جي فائرنگ ۾ ٽي مبينا ڦورو مارجي ويا.
ناظم آباد جي علائقي ۾ ناظم آباد ميٽرڪ بورڊ آفيس طرفان شهري جي فائرنگ ۾ 2 مبينا ڦورو مارجي ويا.
ايس ايس پي سينٽرل جو چوڻ آهي ته فائرنگ جو واقعو ڦر دوران پيش آيو، مارجي ويل ڦورن جي جي سڃاڻپ نصيب زر ۽ نواب زر جي نالن سان ٿي، سندن قبضي مان هٿيار مليا آهن.
پوليس موجب، مارجي ويل ڦورو دانش ۽ شاهزيب نالي شهرين کان ڦرلٽ ڪري رهيا هئا، شهري دانش ڦورن جو پيڇو ڪري مٿن فائرنگ ڪئي.
ٻئي پاسي شفيق موڙ ڀرسان گارڊ جي فائرنگ ۾ هڪ ڦورو مارجي ويو جڏهن ته ٻيو فرار ٿي ويو.
پوليس جو چوڻ آهي ته ڦورو فيملي کان ڦر ڪري فرار ٿي رهيا هئا ته گاڏي ۾ سوار گارڊ مٿن فائرنگ ڪئي.
ٻئي پاسي سپر هاءِ وي تي پوليس يونيفارم پهرين جوابدار شهري کان ڦرلٽ ڪئي ۽ تشدد جو نشانو بڻائڻ کانپوءِ اڍائي لک ۽ موبائل فون ڦر ڪري فرار ٿي ويا…….- Advertisement -
