27هين ترميم اڃا قطعي شڪل اختيار ناهي ڪئي، آرٽيڪل 243 ۾ ترميم تي صلاح مشورا جاري آهن: خواجه آصف

بچاءَ واري وزير خواجه آصف چيو آهي ته 27هين ترميم اڃا قطعي شڪل اختيار ناهي ڪئي، آرٽيڪل 243 ۾ ترميم تي صلاح مشورا جاري آهن، دفاعي گهرجون تبديل ٿي رهيون آهن، سمورو ڪم گڏيل صلاح مشوري سان ٿيندو. خانگي ٽي وي چئنل سان ڳالهائيندي خواجه آصف چيو ته سينيٽ ۽ صدارتي اليڪشن سميت ٻيا مونجهارا نه اچن ان ڪري جهولَ ختم ڪرڻا آهن. هن چيو ته ججن جي بدليءَ وارو معاملو جڊيشل ڪميشن حوالي ڪيو ويندو. خواجه آصف چيو ته آرٽيڪل 243 ۾ ترميم تي صلاح مشورا ڪيا پيا وڃن، دفاعي گهرجون تبديل ٿي رهيون آهن، سمورو ڪم گڏيل صلاح مشوري سان ٿيندو. بچاءَ واري وزير چيو ته آرٽيڪل 243 ۾ ترميم فائنل ٿيڻ تائين هو ڪجهه به نه چوندو. خواجه آصف چيو ته آئيني ڪيس 6 سيڪڙو هجڻ باوجود وقت وٺن ٿا، جيڪي جج معمول جا ڪيس ٻڌن ٿا اهي ئي آئيني ڪيس به ڏسي رهيا آهن. هن چيو ته بئنچون ٺاهي بهتري آندي پئي وڃي، پر تنقيد ٿيندي آهي ته ڪورٽ اندر ڪورٽ ٺهي وئي آهي، هڪ تجويز آهي ته هڪ ڌار آئيني عدالت هجي جنهن ۾ هر صوبي جي نمائندگي هوندي. خواجه آصف چيو ته چيف اليڪشن ڪمشنر جي مقرريءَ تي ڊيڊ لاڪ جو معاملو ٽئين اداري وٽ هليو ويندو، ڪي پي اليڪشن ۾ دير ٿيڻ سبب آئيني مونجهارا پيدا ٿيڻ جو امڪان آهي….