بلاول کي سندس انداز ۾ جواب نھ ٿا ڏيڻ چاھن، سندن پاليسي وڇوٽيون ختم ڪرڻ آھي: راڻا ثناءُ الله

ن ليگ اڳواڻ ۽ اڳوڻي وفاقي وزير راڻا ثناءُ الله چيو آھي تھ بلاول کي سندس انداز ۾ جواب نھ ٿا ڏيڻ چاھن، سندن پاليسي وڇوٽيون ختم ڪرڻ آھي، پ پ کي پنجاب ۾ چونڊ وڙھڻي آھي تھ کين سندن خلاف پاليسي ٺاھڻي پوندي، بلاول سندن تعريفون ڪندو تھ کيس ووٽ ڪيئن ملندو؟ لاھور ۾ پريس ڪانفرنس ڪندي راڻا ثناءُ اللھ چيو تھ ڏکڻ پنجاب ۾ ن ليگ 40 کان 46 سيٽون حاصل ڪندي، پارٽيءَ ۾ شموليت ڪندڙن کي ھو ڀليڪار ڪن ٿا. ھن چيو تھ بلاول ڀٽو زرداري ھڪ وڏي پارٽيءَ جي جو سربراھھ آھي، سندس بيان بھ ان معيار جا ھجڻ گھرجن، پ پ کي پنجاب ۾ چونڊ وڙھڻي آھي تھ کين سندن خلاف پاليسي ٺاھڻي پوندي، بلاول سندن تعريفون ڪندو تھ کيس ووٽ ڪيئن ملندو؟ راڻا ثناءُ اللھ چيو تھ بلاول ڀٽو زرداريءَ جي بيانن تي ھو صبر ڪري رھيا آھن، بلاول سندس ڀاءُ جيان آھي، اڳ ھو پنھنجي حڪومت جي ڳالھھ ڪندو ھو، ھاڻي گڏيل حڪومت جا بيان پيو ڏي، جلد ھو ن ليگ جي حڪومت تي راضي ٿي ويندو……….