هنن ڪڏهن به پي ٽي آءِ وانگر ناهي چيو ته اسٽيبلشمينٽ سان ڳالهيون ڪرڻيون آهن يا انهن جي ڪلهن تي چڙهي حڪومت ۾ اچڻ چاهن ٿا: فيصل ڪريم ڪنڊي

خيبرپختونخوا جي گورنر فيصل ڪريم ڪنڊي چيو آهي ته هنن ڪڏهن به پي ٽي آءِ وانگر ناهي چيو ته اسٽيبلشمينٽ سان ڳالهيون ڪرڻيون آهن يا انهن جي ڪلهن تي چڙهي حڪومت ۾ اچڻ چاهن ٿا. خانگي ٽي وي  چئنل سان ڳالهائيندي فيصل ڪريم ڪنڊي چيو ته هنن ڪڏهن ناهي چيو ته سندن حڪومت باجوه هلائيندو هو، پر پي ٽي آءِ وارا چوندا آهن ته هو هڪ پيج تي آهن ۽ باجوه سندن حڪومت هلائيندو آهي. هن چيو ته وفاق کان صوبائي حقن تي ڳالهائڻ لاءِ جرڳي جي ميمبرن جو جلد اعلان ڪيو ويندو، جرڳو دليل سان وڙهي وفاق کان پنهنجا حق وٺندو، پي ٽي آءِ وارا جرڳي ۾ ساڻن گڏ ويهندا ته ڀليڪار نه ته کين ڪا تڪليف ناهي. فيصل ڪريم ڪنڊي چيو ته يونيورسٽين جي زمين وڪرو ڪرڻ سٺي ڳالهه  ناهي،  جيستائين هو آهي، هنن کي زمين وڪرو ڪرڻ نه ڏيندو…………