صدر آصف علي زرداري طرفان سنڌ ۾ ترقياتي ڪمن جي رفتار تيز ڪرڻ جي هدايت

صدر آصف علي زرداري وڏي وزير سيد مراد شاهه کي ملاقات دوران سنڌ ۾ ترقياتي ڪمن جي رفتار تيز ڪرڻ جي هدايت ڪئي آهي. وڏي وزير سيد مراد علي شاهه صدر آصف علي زرداري ۽ وزيراعظم  شهباز شريف سان الڳ الڳ ملاقاتون ڪيون. وڏي وزير مراد علي شاهه صدر آصف علي زرداري سان ملاقات ڪئي. ملاقات ۾ پ پ چيئرمين بلاول ڀٽو زرداري ۽ صوبائي وزير محمد بخش مهر موجود هو. ملاقات دوران وفاقي سرڪار جي سنڌ ۾ هلندڙ ترقياتي رٿائن ۽ ٻنهي ڌرين وچ ۾ سهڪار تي ڳالهيون ڪيون ويون. ملاقات دوران  سنڌ جي سڪيورٽي ۽ امن امان جي صورتحال تي ڳالهه ٻولهه پڻ ڪئي وئي. صدر آصف علي زرداري وڏي وزير کي سنڌ ۾ ترقياتي ڪمن جي رفتار تيز ڪرڻ جي هدايت پڻ ڪئي. ٻي طرف وڏي وزير سيد مراد علي شاهه وزيراعظم شهباز شريف سان پڻ ملاقات ڪئي، جنهن دوران سنڌ جي جاري منصوبن تي ڳالهيون ڪيون ويون..