اسماعيلي ڪميونٽي جي روحاني پيشوا پرنس ڪريم آغا خان جي لاڏاڻي تي مختلف سياسي شخصيتن پاران تعزيت جو اظهار

اسماعيلي ڪميونٽي جي روحاني پيشوا پرنس ڪريم آغا خان جي لاڏاڻي تي مختلف سياسي شخصيتن پاران تعزيت جو اظهار ڪيو ويو آهي. پ پ چيئرمين بلاول ڀٽو زرداري، سنڌ جي وڏي وزير سيد مراد علي شاهه، پ پ جي سينيئر اڳواڻ سيد خورشيد احمد شاهه، سنڌ اسيمبلي جي اسپيڪر اويس قادر شاهه، پ پ ترجمان شازيه مري، آبپاشي کاتي جي صوبائي وزير ڄام خان شورو، توانائي واري صوبائي وزير ناصر حسين شاهه، صوبائي وزير شاهد ٿهيم، ميئر ڪراچي مرتضيٰ وهاب ۽ ٻين پاران پرنس ڪريم آغا خان جي لاڏاڻي تي ڏک ۽ تعزيت جو اظهار ڪيو. سندن چوڻ هو ته هوُپرنس ڪريم آغا خان جي لاڏاڻي تي اسماعيلي برادري جي ڏک ۾ برابر جا شريڪ آهن. هنن چيو ته ڪريم آغا خان هڪ قابل اڳواڻ هو، هن پنهنجي زندگي سڄي دنيا جي مختلف برادرين جي ڀلائي لاءِ وقف ڪئي.