سعودي ولي عهد شهزادي محمد بن سلمان پنهنجي قتل جو خدشو ظاهر ڪري ڇڏيو

سعودي عرب جي وزيراعظم ۽ ولي عهد شهزادي محمد بن سلمان پنهنجي قتل جو خدشو ظاهر ڪري ڇڏيو. امريڪي ميگزين پوليٽيڪو موجب، محمد بن سلمان امريڪا ڪانگريس ميمبرن کي چيو آهي ته کيس قتل ڪرڻ جي ڪوشش ٿي سگھي ٿي. پوليٽڪو ميگزين موجب محمد بن سلمان امريڪا ڪانگريس ميمبرن کي چيو ته سعودي اسرائيلي لاڳاپن جي بحالي ۽امريڪا سان سهڪار خاطر پنهنجي زندگي خطري ۾ وڌي آهي. هڪ موقعي تي سعودي ولي عهد محمد بن سلمان مصر جي مقتول صدر انور سادات جو به حوالو ڏنو جنهن کي اسرائيل سان ڪيمپ ڊيوڊ سمجهوتي کانپوءِ قتل ڪيو ويو هو. شهزادي محمد بن سلمان امريڪ ڪانگريس ميمبرن کي اهو پڻ چيو ته اسرائيل سان ڪنهن به امڪاني معاهدي ۾ فلسطيني رياست جي حصول جي ڪنهن به حقيقي رستي کي به شامل ڪيو وڃي خاص طور تي هاڻي جڏهن اسرائيل خلاف عربن جي ڪاوڙ عروج تي آهي.