سنڌ حڪومت پوليس کاتي ۾ عورتن جي نوڪرين ۾ ڪوٽا وڌائي 15 سيڪڙو ڪري ڇڏي آهي: آءِ جي سنڌ غلام نبي ميمڻ

آءِ جي سنڌ غلام نبي ميمڻ چيو آهي ته سنڌ حڪومت پوليس کاتي ۾ عورتن جي نوڪرين ۾ ڪوٽا وڌائي 15 سيڪڙو ڪري ڇڏي آهي، اميد ته نوان آفيسر فرض جي ادائيگي ۾ اصولن، نظم و ضبط تي ڪڏهن به سوديبازي نه ڪندا. آءِ جي سنڌ غلام نبي ميمڻ سان سينٽرل پوليس آفيس ڪراچي ۾ سنڌ پبلڪ سروس ڪميشن تحت ڀرتي ڪيل 10 ڊي ايس پي ليگل سميت 44 ڊي ايس پيز ملاقات ڪئي. غلام نبي ميمڻ نوجوان ڊي ايس پيز سان ملاقات دوران پوليس کاتي ۾ مختلف عهدن تي مقررين ۽ آڏو چئلينجز کي منهن ڏيڻ سميت پنهنجي سروس ڪيريئر بابت پنهنجا تجربا شيئر ڪيا. هن سنڌ پوليس کاتي جي سمورن ڊي ايس پيز کي ڀليڪار ڪندي چيو ته نوان  آفيسر منظم قوت جو باقاعده حصو ٿي رهيا آهن، نظم و ضبط کي زندگيءَ جو لازمي حصو بڻائڻ سان سندن عزت ۾ واڌارو ٿيندو. هن چيو ته فرض جي ادائگي ۾ محنت، ايمانداري، ديانت۽ انصاف کي اهميت ڏيڻ ضروري آهي، فوجداري انصاف جو نظام انصاف ۽ ايمانداري تي ٻڌل