سنڌ رينجرز طرفان سمگلنگ جي روڪٿام لاءِ آپريشنز جو سلسلو جاري

سنڌ رينجرز طرفان سمگلنگ جي روڪٿام لاءِ آپريشنز جو سلسلو جاري آهي. سنڌ رينجرز ترجمان جو چوڻ آهي ته ڪراچي شهر جي مختلف علائقن ۾ ايراني تيل جي سمگلنگ ۽ غيرقانوني خريد ۽ وڪري خلاف ڪارروايون ڪيون ويون. ترجمان موجب، ڪارروايون شهباز ڳوٺ، ناردرن باءِ پاس، ڪي ڊي اي لنڪ روڊ ۽ سپر هاءِ جي ڀرپاسي ۾ ڪيون ويون. ترجمان موجب، ڪاررواين دوران 16 هزار 750لٽر ايراني ڊيزل، 7 ڊجيٽل فلنگ يونٽ، 16 پيٽر انجن، 2 جنريٽر، 190 فٽ پلاسٽڪ پائپ، هڪ رائفل هٿ ڪئي وئي رينجرز ترجمان ٻڌايو ته هٿ آيل ڊيزل ۽ ٻيو سامان وڌيڪ قانوني ڪارروائي لاءِ ڪسٽم اختيارين حوالي ڪيو ويو. رينجرز ترجمان جو وڌيڪ چوڻ آهي ته اسمگلنگ جي مڪمل خاتمي تائين آپريشن جاري رهندو….