آءِ ايم ايف نئين قرض پروگرام لاءِ پاڪستان کان وڌيڪ قدمن جو مطالبو ڪري ڇڏيو

آءِ ايم ايف نئين قرض پروگرام لاءِ پاڪستان کان وڌيڪ قدمن جو مطالبو ڪيو  آهي. پاڪستان آيل آءِ ايم ايف مشن ۽ پاڪستان جي معاشي ٽيم وچ  ۾ پهرين ڏينهن جي ڳالهين جي اندروني ڪهاڻي سامهون اچي وئي آهي. ذريعن موجب آءِ ايم  ايف  عملدارن ڳالهين ۾ ناڻي واري وزارت، توانائي ۽ ايف بي آر عملدارن شرڪت  ڪئي، توانائي واري وزير آءِ ايم ايف عملدارن کي بريفنگ ڏني. آءِ  ايم ايف نئين قرض پروگرام لاءِ وڌيڪ قدمن کڻڻ جو مطالبو ڪيو آهي. عالمي مالياتي فنڊ بجلي ۽ گيس چوري ختم ڪرڻ لاءِ پختا قدم کڻڻ جي گهر ڪئي، آءِ ايم ايف حڪومتي ڊسڪوز جي انتظاميا خانگي شعبي کي ڏيڻ جو ٽائيم فريم به گهري ورتو آهي. آءِ ايم ايف وڌيڪ نقصان وارن علائقن ۾ بجلي بلن جي وصولي آئوٽ سورس ڪرڻ جي صلاح ڏني آهي، عالمي مالياتي فنڊن ڪيپٽو پاور پلانٽن کي مقامي گيس فراهمي بند ڪرڻ جو به مطالبو آهي. ذريعن موجب آءِ ايم ايف حڪومتي شعبي جي چئن پلانٽن کي پوري صلاحيت سان هلائڻ جو مطالبو ڪيو. ايف بي آر ذريعن موجب ڳالهين ۾ ٽيڪس وصوليون وڌائڻ لاءِ عملي بدران ٽيڪنالاجي  جو استعمال وڌائڻ تي اتفاق ڪيو ويو. پاڪستان طرفان آءِ ايم ايف کي هلندڙ مالي سال جو ٽيڪس هدف حاصل ڪرڻ جي خاطري ڪرائي وئي آهي، آءِ ايم ايف کي زراعت، دڪانن ۽ ريئل اسٽيٽ کان مڪمل ٽيڪس وصولي جي حڪمت عملي تي بريفنگ ڏني وئي. ايف بي آر هلندڙ مالي سال ٽيڪس هدف حاصل ڪرڻ لاءِ ريئل اسٽيٽ ۽ ريٽلرز کان ٽيڪس وصولي جي خاطري پڻ ڪرائي آهي.