آءِ جي سنڌ پاران جوڙيل اسپيشل ٽاسڪ فورس جو منشيات جي اڏي تي ڇاپو

سنڌڙي ويجهو اسپيشل ٽاسڪ فورس ڪارروائي دوران ٻن جوابدارن کي گرفتار ڪري سندن قبضِي مان وڏي مقدار ۾ منشيات هٿ ڪرڻ جي دعويٰ ڪئي. ڦلهڏيون ڀرسان اسپيشل ٽاسڪ فورس ڳجهي اطلاع تي قادو مري ۽ مجيد مري جي منشيات جي اڏي تي ڇاپو هنيو. ڇاپي دوران اسپيشل ٽاسڪ فورس ٻن منشيات وڪرو ڪندڙن رسول بخش مري ۽ کيتو ڀيل کي گرفتار ڪري ورتو. پوليس جو چوڻ آهي ته گرفتار ڪيل جوابدارن وٽان وڏي مقدار ۾ منشيات هٿ ڪئي وئي. پوليس موجب گرفتار ڪيل جوابدارن خلاف منشيات ايڪٽ تحت ڪيس داخل ڪيو ويو آهي.