آءِ سي سي، چئمپينز ٽرافي پاڪستان مان منتقل ڪرڻ جي ترديد ڪري ڇڏي

آءِ سي سي، چئمپينز ٽرافي پاڪستان مان منتقل ڪرڻ جي ترديد ڪري ڇڏي، آءِ سي سي جي چيف ايگزيڪٽو جو چوڻ آهي ته چئمپينز ٽرافي پاڪستان مان منتقل ڪرڻ جو ڪو به منصوبو ناهي، ايونٽس ڪامياب بڻائڻ لاءِ پاڪستان جي ڀرپور مدد ڪئي ويندي. وومينز ٽي ٽوئنٽي ورلڊ ڪپ لاءِ ڪوٺايل ميڊيا بريفنگ ۾ آءِ سي سي جي چيف ايگزيڪٽو جيف ايلارڊائس چيو ته آءِ سي سي چيمپئنز ٽرافي 2025 پاڪستان مان منتقل ڪرڻ جو في الحال ڪوبه منصوبو ناهي. سندس چوڻ هو ته آءِ سي سي ايونٽس جي ڪامياب ميزباني کي يقيني بڻائڻ لاءِ هو پاڪستان سميت پنهنجي ميمبر ملڪن جو باقاعده دورو ڪندو رهندو آهي. آءِ سي سي جي چيف ايگزيڪٽو جيف ايلارڊائس چيو ته ڪنهن به ٽيم کيڏڻ کان انڪار ناهي ڪيو، سموريون ٽيمون پاڪستان ۾ کيڏڻ لاءِ پرعزم آهن.