- Advertisement -
آءِ سي سي چئمپينز ٽرافي 2025 تي پاڪستان ۽ ڀارت ۾ ڇڪتاڻ برقرار آهي، ڀارت جي پاڪستان نه چاڻ بابت وفاقي حڪومت پاڪستان ڪرڪيٽ بورڊ سان رابطو ڪيو آهي ته بورڊ کي ڀارتي ٽيم جي انڪار جي صورت ۾ ڪنهن ٻي ٽيم کي دعوت ڏيڻ جي تجويز ڏني آهي.
وفاقي حڪومت پاڪستان ڪرڪيٽ بورڊ سان رابطو ڪري ڀارت بابت پاليسي گائيڊ لائن کان آگاهه ڪري ڇڏيو.
ذريعن جو چوڻ آهي ته پي سي بي حڪومتي هدايتن موجب آءِ سي سي کي خط لکندي ۽ انٽرنيشنل ڪرڪيٽ ڪائونسل کان ڀارتي ڪرڪيٽ بورڊ طرفان چيمپئنز ٽرافي 2025 لاءِ پاڪستان ۾ کيڏڻ کان انڪار جا سبب پڇا ڪندي.
حڪومتي ذريعن موجب، ڪرڪيٽ بورڊ واضح ڪيو ته پاڪ ڀارت ٽاڪڙو پاڪستان کانسواءِ ممڪن ناهي، منافعو رڳو ڀارت سبب ناهي پر پاڪستان جي موجودگي سان آهي.
حڪومت بورڊ کي هدايت ڪئي آهي ته ڀارت جيڪڏهن پاڪستان نه آيو ته اڳتي پاڪستان ڪرڪيٽ ٽيم به ڪنهن آءِ سي سي ۽ ايشين ڪرڪيٽ ڪائونسل ايونٽ ۾ ڀارت خلاف نه کيڏندي.
ذريعن جو چوڻ آهي ته وفاقي حڪومت پي سي بي کي تجويز ڏني آهي ته جيڪڏهن ڀارتي ٽيم پاڪستان ۾ کيڏڻ لاءِ تيار ناهي ته ڪنهن ٻي ٽيم کي دعوت ڏيڻ تي غور ڪيو وڃي.
حڪومت بورڊ کي پيغام ڏنو آهي ته پي سي بي انٽرنيشنل ڪرڪيٽ ڪائونسل جي اختيارين کي اعتماد ۾ وٺي ٻين بورڊز سان به رابطو ڪري ۽ ڀارت جي انڪار جي صورت ۾ سريلنڪا يا ويسٽ انڊيز کي گهرائڻ لاءِ ڪم ڪيو وڃي………….- Advertisement -
