آئين ۽ جمهوريت سان ٽڪراءُ بابت قانونسازي تي حڪومت جي حمايت نه ڪنداسين:مولانا فضل الرحمان 

جي يو آءِ سربراهه مولانا فضل الرحمان  چيو آهي ته آئين ۽ جمهوريت سان ٽڪراءُ بابت قانونسازي تي حڪومت جي حمايت نه ڪندا، هو ملڪ ۾ عوامي حڪمراني چاهين ٿا پر هاڻي ڪنهن کي به عوامي مينڊيٽ چوري ڪرڻ جي اجازت ني ڏني ويندي، جي يو آءِ مخالف ڌر جو حصو آهي ۽ رهندي. اڳوڻي وفاقي وزير محمد علي درانيءَ سان ملاقات بعد ميڊيا سان ڳالهائيندي مولانا فضل الرحمان چيو ته حڪومت جو وجود ۽ قدم عوام جي مفادن خلاف آهن. هن چيو ته اهڙي حڪومت سان گڏ هلڻ عوام جي ڪاوڙ کي دعوت ڏيڻ برابر آهي، کين رڳو اهو اختيار گهرجي جيڪو عوام ڏنو هجي. مولانا فضل الرحمان چيو ته عوام طرفان ڏنل اقتدار گهرجي، هاڻي هو ڪنهن کي به مينڊيٽ چوري ڪرڻ نه ڏيندا.