آرمي چيف جنرل عاصم منير واپارين کي انٽربئنڪ ريٽ ۾ شفافيت کي هٿي ڏيارڻ جي خاطري ڪرائي آهي.
لاهور ڪور هيڊڪوارٽر ۾ ڪوٺايل اجلاس ۾ واپارين سان ملاقات دوران چيو ته مني ايڪسچينج کي ٽيڪس جي دائري ۾ آندو ويندو.
هن چيو ته ڊالر جي مٽاسٽا ۽ انٽربئنڪ ريٽ ۾ شفافيت کي هٿي ڏنيويندي.
آرمي چيف خاص سيڙپڪاري سهولت ڪائونسل جي اهم ڪردار کي اجاگر ڪندي سعودي، يو ايَ ايِ، ڪويت ۽ ٻين ملڪن کان سئو ارب ڊالر تائين سيڙپڪاري لاءِ ڪوششون وٺڻ جي زور ڀريو.
جنرل عاصم منير اقتصادي فيصلا سازي، اقتصادي معاملن ۽ مختلف شعبن تي ڌيان ڏيندڙ ٽاسڪ فورسز جوڙڻ جي به ڳالهه ڪئي.
لاهور چيمبر آف ڪامرس اينڊ انڊسٽري موجب صدر ڪاشف انور جي سربراهيءَ ۾ ڪاروباريءَ برادريءَ آرمي چيف سان ملاقات ڪئي، جنهن ۾ ملڪ جي اقتصادي راهداري تي اهم ڳالهيون ڪيون ويون.
