آمريڪا جي ايران جي بئلسٽڪ ميزائل پروگرام تي نيون پابنديون مڙهي ڇڏيون.
پرڏيهي خابرو اداري موجب آمريڪا ايران جي بئلسٽڪ ميزائل پروگرام جي حمايت ڪندڙ 6 ڄڻن ۽ 13 ڪمپنين تي نيون پابنديون لڳائي ڇڏيون جن ۾ ڪيترائي چيني شهري پڻ شامل آهن.
ٽرمپ انتظاميا تازن هفتن ۾ ايران جي تيل صنعت ۽ ايٽمي پروگرام سان لاڳاپيل ماڻهن ۽ ادارن تي ڪيتريون ئي پابنديون لڳايون آهي.
آمريڪي ناڻي واري کاتي جو چوڻ آهي ته پابنديون انهن تنظيمن تي آهن جيڪي ايراني حڪومت کي بئلسٽڪ ميزائل پروگرام جي تياري ۾ مواد فراهم ڪري رهيون آهن.
امريڪي ناڻي واري وزير اسڪاٽ بيسنٽ هڪ بيان ۾ چيو ته امريڪا ايران کي هڪ کنڊ کان ٻئي کنڊ تائين مار ڪندڙ بليسٽڪ ميزائل تيار ڪرڻ جي اجازت نٿو ڏئي سگھي.
سندس چوڻ هو ته ايران طرفان ميزائل ۽ انهن جا پرزا مقامي طور تي تيار ڪرڻ جون ڪوششون امريڪا ۽ خطي جي استحڪام لاءِ قبولڻ جوڳيون ناهن.
واضع رهي ته اهي قدم اهڙي وقت ۾ کنيا ويا آهن جڏهن امريڪا ۽ ايران وچ ۾ ايٽمي ڳالهيون ٿي رهيون آهن..
