آمريڪا پاران پاڪ ڀارت جنگ ۾ مداخلت نه ڪرڻ جو فيصلو

آمريڪا پاڪ ڀارت جنگ ۾ مداخلت نه ڪرڻ جو فيصلو ڪيو آهي. آمريڪي نائب صدر جي ڊي وينس جو چوڻ آهي ته آمريڪا اهڙي جنگ ۾ مداخلت نه ڪندو، جنهن جو ان سان ڪو واسطو نه آهي. هڪ انٽرويو ۾ آمريڪي نائب صدر چيو ته پاڪ ڀارت تڪرار جلد حل ٿيڻ گهرجي، ڀارت حملو ڪيو، پاڪستان جواب ڏنو. هن وڌيڪ چيو ته هو ٻنهي ملڪن جي جنگ ۾ مداخلت نٿا ڪري سگهن، آمريڪا سفارتڪاري جو رستو اختيار ڪري سگهي ٿو. هن چيو ته پاڪ ڀارت جنگ ايٽمي جنگ نه بڻجڻ گهرجي، ائين ٿيو ته گهڻو نقصان ٿيندو. آمريڪي نائب صدر جو چوڻ هو ته ايٽمي قوتن جو پاڻ ۾ ٽڪراءُ سدائين ڳڻتي جوڳو هوندو آهي، في الحال ائين نه پيو لڳي ته پاڪ ڀارت جنگ ايٽمي جنگ ۾ تبديل ٿيندي. جي ڊي وينس چيو ته ٻنهي ملڪن کي ٿڌي دماغ سان سوچڻ گهرجي. هن وڌيڪ چيو ته آمريڪا اهڙي جنگ ۾ مداخلت نه ڪندو، جنهن جو ان سان ڪو واسطو نه آهي……