- Advertisement -
آمريڪا ۾ هڪ ٻئي جهاز حادثي ۾ 6 ڄڻا فوت ٿي ويا آهن.
آمريڪي رياست پنسلوانيا جي شهر فلاڊيلفيا جي اتر اوڀر واري علائقي ۾ هڪ شاپنگ مال ويجهو ننڍو جهاز ڪري تباهه ٿي ويو.
آمريڪي ميڊيا موجب، حادثي بعد جهاز کي باهه وڪوڙي وئي، جنهن جي نتيجي ۾ 6 ڄڻا فوت ٿي ويا.
آمريڪي ميڊيا جو چوڻ آهي ته حادثي واري هنڌ امدادي ڪارروايون جاري آهن، جڏهن ته انتظاميا جهاز حادثي جي جاچ شروع ڪري ڇڏي آهي.
واضح رهي ته خميس ڏينهن به واشنگٽن ۾ مسافر جهاز ۽ هيليڪاپٽر ٽڪرائجڻ جو واقعو پيش آيو هو، جهاز ۽ هيلي ڪاپٽر ۾ سوار سمورن 67 ماڻهن کي فوت تصور ڪيو ويو.
ڊي سي فائر چيف جو چوڻ آهي ته هن وقت تائين 41 لاش هٿ ڪيا ويا آهن، جن مان 28 لاشن جي سڃاڻپ ٿي چڪي آهي.- Advertisement -
