آمريڪا ۾ 11 سيپٽمبر جي حملن ۾ مبينا طور تي ملوث خالد شيخ محمد سميت ٽن جوابدارن آمريڪي فوج سان ٺاهه ڪري ورتو.
آمريڪي ميڊيا موجب، خالد شيخ محمد، وليد محمد صالح مبارڪ بن عطش ۽ مصطفيٰ احمد آدم آمريڪي فوج سان ٺاهه ڪري ورتو آهي، ٺاهه تحت ٽنهي جوابدارن کي موت جي سزا نه ڏني ويندي.
آمريڪي ميڊيا جو چوڻ آهي ته ٺاهه جا تفصيل ظاهر ناهن ڪيا ويا، جڏهن ته گوانٽانامو بي جيل ۾ قيد ٽئي جوابدار ايندڙ هفتي سنگين الزامن جو اعتراف ڪندا.
خالد شيخ محمد کي پهرين مارچ 2003ع تي پاڪستان مان گرفتار ڪيو ويو هو، خالد شيخ محمد ۽ ڪيترن ئي ٻين جوابدارن تي نائن اليون ۾ ملوث هئڻ جا شروعاتي الزام 2008ع ۾ لاڳو ڪيا ويا هئا.
