آمريڪي سينٽ ڪمانڊ جي ڪمانڊر جنرل مائيڪل ايرڪ ڪوريلا جي ايڇ ڪيو جو دورو، آرمي چيف سان ملاقات

پاڪستان ۽ آمريڪا گڏيل تربيتي مشق پروگرامن ۾ سهڪار وڌائڻ تي زور ڀريو آهي. آءِ ايس پي آر طرفان جاري ڪيل بيان ۾ چيو ويو ته آمريڪي سينٽ ڪمانڊ جي ڪمانڊر جنرل مائيڪل ايرڪ ڪوريلا جي ايڇ ڪيو جو دورو ڪيو. پاڪ فوج جي ترجمان موجب آمريڪي ڪمانڊر، آرمي چيف جنرل عاصم منير سان ملاقات ڪئي. ملاقات دوران علائقائي سلامتي  ۽ خطي جي سڪيوٽي صورتحال توڙي گڏيل دلچسپي وارن معاملن تي ڳالهيون ڪيون ويون. آءِ ايس پي آر موجب ملاقات دوران گڏيل تربيتي مشق پروگرامن کي هٿي ڏيڻ تي زور ڀريو ويو. آءِ ايس پي آر موجب آمريڪي سينيٽ ڪمانڊر جي ڪمانڊر، دهشتگردي خلاف جنگ ۾ پاڪستان جي ڪاميابين خطي ۾ امن لاءِ پاڪستان جي ڪردار جي واکاڻ ڪئي.