آمريڪي صدر ڊونلڊ ٽرمپ جي چيني صدر کي دعوت

نئين چونڊيل آمريڪي صدر ڊونلڊ ٽرمپ جنوري ۾ ٿيندڙ پنهنجي قسم کڻڻ واري تقريب ۾ چيني صدر شي جن پنگ کي به شرڪت جي دعوت ڏئي ڇڏي آهي. آمريڪي ميڊيا موجب ڊونلڊ ٽرمپ 20 جنوري تي ٻيو ڀيرو آمريڪا جو صدارتي  منصب سنڀاليندو ۽ ان حلف برداري تقريب جي لاءِ مختلف ملڪن جي سربراهن کي دعوت ڏيڻ جو سلسلوجاري آهي. رپورٽ مطابق ڊونلڊ ٽرمپ پنهنجي حلف برداري تقريب ۾ چيني صدر شي جن پنگ کي به دعوت ڏني آهي. آمريڪي ميڊيا موجب ان بابت ڪجهه به چوڻ وقت کان اڳ هوندو ته چيني صدر ڊونلڊ ٽرمپ جي حلف برداري تقريب ۾ شرڪت ڪندو يا نه، پر شرڪت جو گهٽ امڪان ظاهر ڪيو پيو وڃي.