امريڪي پرڏيهي وزير انٽوني بلنڪن پاڪستان جي آزادي جي ڏهاڙي تي مبارڪباد جو پيغام ڏيندي چيو آهي ته هو امريڪي حڪومت جي طرفان پاڪستاني عوام لاءِ جشن آزادي تي نيڪ تمنائون پيش ڪري ٿو.
پنهنجي هڪ بيان ۾ انٽوني بلنڪن چيو ته هو سهڪار جي لاءِ نئين سال جي شروعات ڪري رهيا آهن، پاڪستان چونڊن جي تياري ڪري رهيو آهي، امريڪا جامع اقتصادي ترقي، امن ۽ علائقائي استحڪام کي هٿي وٺرائڻ جو خواهشمند آهي.
هن چيو ته پاڪستان کي اقتصادي ڪاميابي، جمهوري اصولن جي عزم، قانون جي حڪمراني لاءِ سندن مضبوط حمايت حاصل آهي جيڪا ٻنهي ملڪن جي شراڪتداري کي اڳتي وڌائيندي رهندي.
آمريڪي پرڏيهي وزير وڌيڪ چيو ته آمريڪا پاڪستان سان 76 سالن جي لاڳاپن کي قدر جي نگاهه سان ڏسي ٿو، هو هڪ وڌيڪ خوشحال مستقبل ٺاهڻ لاءِ پاڪ-امريڪا تعاون کي وڌيڪ وڌائڻ جا منتظر آهن.
