اسحاق ڊار جي او آءِ سي جي سيڪريٽري جنرل سان ملاقات

گيمبيا ۾ اسلامي سربراهي ڪانفرنس جي موقعي تي نائب وزيراعظم ۽ پرڏيهي وزير اسحاق ڊار او آءِ سي جي سيڪرٽري جنرل سان ملاقات ڪئي آهي. پرڏيهي آفيس موجب، پندرهين اسلامي اسلامي سربراهي اجلاس جي موقعي تي ٿيندڙ ملاقات ۾ پرڏيهي وزير اسحاق ڊار او آءِ سي جي سيڪريٽري جنرل سربراهي اجلاس جي ڪاميابي تي مبارڪباد پيش ڪئي. ملاقات جي موقعي تي اسحاق ڊار غزه ۾ فوري جنگ بندي ۽ انساني امداد جي فراهمي تي زور ڏيندي فلسطين مسئل تيپ اڪستان جي اصولي موقف کي ورجايو. پرڏيهي آفيس جي ترجمان ممتاز زهرا بلوچ موجب او آءِ جي سيڪريٽري جنرل سان ملاقات جي موقعي تي پرڏيهي وزير فلسطين جي قبضي واري علائقي مان اسرائيل جي واپسي ۽ فلسطيني عوام جي حقن جي بحالي تي پاڪستان جي موقف کي ورجايو ۽ فلسطيني سرزمين کي واپس ڪرڻ جو پڻ مطالبو ڪيو. ملاقات ۾ پاڪستان جي نائب وزيراعظم ۽ پرڏيهي وزير اسحاق ڊار وچ اوڀر ۾ امن لاءِ او آءِ سي جي ڪوششن جي واکاڻ ڪندي قدمن جي لاءِ پاڪستان جي مڪمل حمايت جو به اظهار ڪيو.