تازه ترين

اسرائيلي فوج جي غزا تي مسلسل بمباري جي نتيجي ۾ شهيد ٿيل فلسطينين جو انگ 3 هزار ٿي ويو

اسرائيلي فوج جي غزا تي مسلسل بمباري جي نتيجي ۾ شهيد ٿيل فلسطينين جو انگ 3 هزار ٿي ويو ۽ 10 هزار کان وڌيڪ زخمي ٿي پيا آهن.

حماس کي منهن ڏيڻ ۾ ناڪام اسرائيل جي اٺين ڏينهن به هٿين خالي فلسطينين تي بمباري جاري آهي جنهن سبب وڌيڪ 410 فلسطيني شهيد ٿي ويا آهن.

شهيدن ۾ ٻارڙا ۽ عورتون به شامل آهن جڏهن ته يهودي فوج هٿان شهيد ٿيل فلسطينين جو انگ 3 هزار  329 ٿي ويو آهي.

غزا جي اتر، وچ ۽ ڏکڻ جي علائقن ۾ قافلن، مارڪيٽن ۽ بندرگاهه تي حملا ڪيا ويا جڏهن ته اسرائيلي بمباري ۾ چئن پرڏيهين سميت 9 يرغمالي به مارجي ويا.

غزا مان لڏپلاڻ ڪندڙ ٽن قافلن تي اسرائيلي جهازن جي حملي ۾ 70 فلسطيني شهيد ۽ سوين زخمي ٿي پيا.

اولهه ڪناري ۾ غزا جي شهرين سان ٻڌيءَ جي اظهار لاءِ ڪڍيل مظاهري تي اسرائيلي فوج جي فائرنگ سان 16 فلسطيني شهيد ٿي ويا، جڏهن ته غزا تي به ٽئنڪن سان چڙهائي ڪئي وئي.

اسرائيلي بمباريءَ بعد يرغمال اسرائيلين جا لاش به ملي رهيا آهن، جڏهن ته يهودي آبادڪار به فوج جي موجودگيءَ ۾ هٿين خالي فلسطينين تي گوليون هلائي رهيا آهن.

اسرائيل جي غزا تي بمباري بعد 4 لک فلسطيني بي گهر ۽ 20 لک پاڻي کان محروم آهن.

اسرائيلي فوج بنا فرق رهائشي عمارتن، عورتن ۽ ٻارڙن کي نشانو بڻائي رهي آهي جنهن سبب فوتين جو انگ وڌي رهيو آهي.

فلسطيني صحت واري وزارت هڪ هفتي کان غزا تي اسرائيلي بمباري جي نتيجي ۾ هن وقت تائين 724 ٻارڙن سميت 2 هزار 239 ماڻهو شهيد ٿيڻ ۽ 10 هزار زخمي ٿيڻ جي تصديق ڪئي آهي.

گڏيل قومن موجب غزا تي هلندڙ بمباري سبب غزا مان 3 لک ماڻهو بي گهر ٿي ڪيمپن ۾ پناهه وٺي چڪاآهن.

اسرائيلي فوج غزا جي بجلي، پاڻي، خوراڪ، دوائن سميت ٻارڻ جي فراهمي بند ڪري ڇڏي آهي جنهن سبب غزا ۾ انساني بحران جو خدشو آهي.

اسرائيل حڪومت جو چوڻ آهي ته يرغمال بڻايل فوجين جي آزادي تائين غزا جي خوراڪ، ٻارڻ ۽ بجلي جي فراهمي بند رکي ويندي.

گڏيل قومن غزا جي مڪمل ناڪابندي، بجلي ۽ پاڻي توڙي خوراڪ جي بندش کي عالمي قانونن جي ڀڃڪڙي قرار ڏيندي شهرين جي بقا لاءِ خطرو قرار ڏئي ڇڏيو آهي.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
113,000SubscribersSubscribe
Pakistan
light rain
30.3 ° C
30.3 °
30.3 °
34 %
1.9kmh
100 %
اڱارو
30 °
اربع
32 °
خميس
31 °
جمعو
33 °
ڇنڇر
34 °

تازه ترين خبرون