پاڪستان غزا ۾ فوري طور جنگبنديءَ جو مطالبو ڪري ڇڏيو، پرڏيهي آفيس جي ترجمان ممتاز زهرا بلوچ جو چوڻ آهي ته اسرائيلي فوج هٿين خالي فلسطينين جي نسل ڪشي ڪري رهي آهي، يهودي فوج هٿان فلسطيني عورتون ۽ ٻارڙا شهيد ٿي رهيا آهن.
اسلام آباد ۾ هفتيوار بريفنگ ڏيندي ممتاز زهرا بلوچ چيو ته پاڪستان کي غزا جي صورتحال بابت خدشا آهن، غزا ۾ هٿين خالي فلسطينين کي ظلم جو نشانو بڻايو پيو وڃي.
سندس چوڻ هو ته پاڪستان فلسطينين جي حق خود اراديت جي حمايت جاري رکندو، پاڪستان او آءِ سي اجلاس ۾ غزا بابت اثرائتو موقف اختيار ڪيو.
پرڏيهي آفيس جي ترجمان ممتاز زهرا بلوچ چيو ته پاڪستان فلسطيني ڀائرن ۽ ڀينرن لاءِ امداد اماڻي رهيو آهي، ضرورت جي شين تي ٻڌل امداد مصر رستي فلسطين اماڻي ويندي.
ممتاز زهرا بلوچ چيو ته اسرائيلي فوج هٿين خالي فلسطينين جي نسل ڪشي ڪري رهي آهي، يهودي فوج هٿان فلسطيني عورتون ۽ ٻارڙا شهيد ٿي رهيا آهن.
