اسرائيلي فورسز صمود فلوٽيلا ۾ شامل اڳوڻي سينيٽر مشتاق احمد کي آزاد ڪري ڇڏيو

اسرائيلي فورسز صمود فلوٽيلا ۾ شامل اڳوڻي سينيٽر مشتاق احمد کي آزاد ڪري ڇڏيو. سماجي رابطن واري سائيٽ ايڪس تي جاري ڪيل بيان ۾ نائب وزيراعظم اسحاق ڊار، اڳوڻي سينيٽر مشتاق احمد کي آزاد ڪرڻ جي تصديق چيو ته کيس اهو ٻڌائيندي خوشي ٿي رهي آهي ته مشتاق احمد کي آزاد ڪيو ويو آهي. سندس چوڻ هو ته مشتاق احمد آزادي کانپوءِ هن وقت عمان ۾ پاڪستاني سفارتخاني ۾ محفوظ ۽ صحتمند آهي، سفارتخانو سندس خواهشن ۽ سهولت موجب وطن واپسي ۾ مڪمل سهڪار فراهم ڪرڻ لاءِ تيار آهي. نائب وزيراعظم اسحاق ڊار چيو ته هو انهن سمورن دوست ملڪن جا ٿورائتا آهن جن هن معاملي ۾ فعال ڪردار ادا ڪيو ۽ پاڪستان جي پرڏيهي وزارت سان سهڪار ڪيو.