ايراني پرڏيهي وزير عباس عراقچي چيو آهي ته اسرائيل بيروت تي حملي ۾ امريڪي بنڪر بسٽر بم استعمال ڪيا آهن.
عباس عراقچه جو چوڻ آهي ته ايران هر صورت ۾ لبنان ۽ مزاحمت جو ساٿ ڏيندو.
ٻئي پاسي بيروت تي حملي کانپوءِ ايراني سپريم ليڊر آيت الله خامنه اي نيشنل سيڪورٽي ڪائونسل جو هنگامي اجلاس طلب ڪري ورتو آهي.
امريڪي ميڊيا موجب، آيت الله خامنه نيشنل سيڪورٽي ڪائونسل جوا جلاس پنهنجي رهائشگاهه تي سڏايو آهي جنهن ۾ بيروت ۾ اسرائيلي ميزائلن حملن کانپوءِ پيدا ٿيل صورتحال تي ڳالهيون ڪيون وينديون.
خامنه اي جي مشير علي لاريجاني جو چوڻ آهي ته اسرائيلي ڳاڙهي لڪير پار ڪري ڇڏي آهي.
سندس چوڻ هو ته حزب الله سربراهه جي مارجڻ جي صورت ۾ متبادل قيادت تحريڪ کي هلائڻ لاءِ تيار آهي.
