- Advertisement -
اسرائيل جي رفح ۾ المواسي ڪيمپ تي بمباري ۾ وڌيڪ 25 فلسطيني شهيد ۽ 50 کان وڌيڪ زخمي ٿي پيا آهن.
عرب ميڊيا جو چوڻ آهيته غزه جي پٽي تي حملن ۾ ڪيترائي فلسطيني شهيد ٿي ويا، يهودي فورسز الزيتون، بيت الاهيا، الجاله ۽ النصر جي علائقن کي به نشانو بڻايو.
عرب ميڊيا موجب 7آڪٽوبر کان جاري حملن ۾ هن وقت تائين شهيدن جو انگ 37 هزار 500 جي ويجهو پهچي ويو آهي جڏهن ته 85 هزار 653 ماڻهو زخمي ٿي چڪا آهن.
هوڏانهن اسرائيلي حملن بعد حماس جي جوابي ڪارروائي ۾ 2 اسرائيلي فوجي مارجي ويا ۽ ڪيتريون ئي گاڏيون تباهه ٿي ويون.
حماس غزه شهر جي زيتون محلي ۾ اسرائيلي فوجي اڏي کي نشانو بڻايو، راڪيٽن ۽ مارٽن گولن سان نشانو بڻائڻ جي ويڊيو جاري ڪري ڇڏي آهي.
ٻئي پاسي غزه بحران تي امريڪي پرڏيهي کاتي جو هڪ وڌيڪ عهديدار استعيفى ڏئي ڇڏي آهي.
اسرائيلي ۽ فلسطيني معاملن جي ماهر اينڊريو ملر استيعفى ڏئي ڇڏي.
امريڪي ميڊيا موجب، اينڊريو ملر آمريڪي اسٽيٽ ڊپارٽمينٽ ۾ اسرائيلي ۽ فلسطيني معاملن لاءِ ڊپٽي اسسٽنٽ سيڪريٽري طور خدمتون سرانجام ڏئي رهيو هو، هن استعيفيٰ جو سبب خانداني ذميواريون ڄاڻايو.
واضع رهي ته اينڊريو ملر کان اڳ، بائيڊن انتظاميه جي ٻين 8 اهلڪارن غزه جي جنگ تي احتجاج ڪندي استعيفيٰ ڏني آهي.- Advertisement -
